Ukraynanın Dnepr şəhərində Azərbaycan Xalq Cümhuriyyətinin 100 illiyi ilə bağlı möhtəşəm tədbir keçirilib. Azadinform xəbər verir ki, Ukrayna Azərbaycanlıları Birləşmiş Diasporunun (UABD) Dnepr təşkilatının təşəbbüsü ilə baş tutan tədbirdə yüzlərlə azərbaycanlı və ukraynalı iştirak edib.
XəzərNews.az xəbər verir ki, tədbir antikvar avtomobillərin “avtoprobeq” adlanan yürüşü ilə başlayıb. Azərbaycan bayrağı ilə bəzədilən onlarla antikivar maşınlar yürüşə şəhərin mərkəzində yerləşən Azərbaycan icmasına məxsus İdman-Tədris Mərkəzindən başlayaraq Dnepr çayının sahili boyunca davam ediblər.

Şəhər sakinlərinin diqqətini çəkmək üçün təşkil olunan yürüşdə maraqlı anlar yaşanıb. 

Sonra yürüş iştirakçıları tədbirin keçirildiyi məkana daxil olublar. 

Bütövlükdə bədii hissədən ibarət olan tədbirdə qonaqlara Azərbaycan musiqisi, rəqsi və mətbəxi təqdim olunub.

Tədbirdə Kiyevdən qonaq qismində UABD sədri Hikmət Cavadov, sədr müavini Murad Cəfərov, təşkilatçılar kimi Dnepr icmasının liderlərindən 

Sərxoş İsmaylov, Firuz İbrahimov, Hafiz Aslanov, Eldar Tağıyev və diasporun ətraf şəhərlərdə fəaliyyət göstərən digər fəalları iştirak ediblər.