Qeyd edək ki, artıq məsələylə bağlı Ukrayna Azərbaycanlıları Birləşmiş Diasporunun sədri Hikmət Cavadov  təşkilatın adından kanal rəhbərliyinə rəsmi olaraq öz etirazını bildirib.
 

Azərbaycanın Ukraynadakı səfirliyi  də "15 respublika" verilişi ilə bağlı Ukrayna Xarici İşlər Nazirliyinə müraciət edib. Müraciətdə deyilir: “həmin bədnam verilişi hazırlayıb təqdim edən, Azərbaycanı mənfi qələmə verən, Ermənistanı ancaq müsbət tərəfdən göstərən, guya Azərbaycanlıların Dağlıq Qarabağda erməni kişilərini kütləvi şəkildə qətl etdiklərinə görə bu gün orada qızların oğlanlardan dörd dəfə çox olduğu kimi cəfəng iddialar irəli sürən, Ermənistan silahlı qüvvələrinin işğalında olan və heç bir dövlətin, o cümlədən Ukraynanın da tanımadığı separatçı rejimin qanunsuz fəaliyyət göstərdiyi Azərbaycan torpaqlarına Azərbaycan dövlətinin icazəsi olmadan səfər etmiş jurnalistlər Konstantin Andriyuk və Dmitriy Volkovun Azərbaycanda arzuolunmaz şəxslər sayılacağı barədə vurğulanmışdır.”